BE. No.104 - Bongoti Ma Rohangku Lyrics

Saturday, July 16, 2011 ·

Lirik Buku Ende 104 Bongoti Ma Rohangku

1. Bongoti ma rohangku Inganima au on
O Tondi Debatngku Pasonang rohangkon
Na marhabangsa Ho Raphon Debata Ama
Nang Jesus pe AnakNa Naeng pujionku Ho.

2. Antong pangkilalahon Tu ahu gogoMi,
GogoM na paluahon Au sian dosangki.
Urasi rohangkon Paias ma tondingku
Ai naeng do oloanku Na nidokMi tongtong.

3. Ndang dung marhatigoran Pardosa au hian
Ndang dung marhasonangan Na mate au hian
Di pandidion i Dibonom Ho dosangku
Tu mudar ni Tuhanku Ias au ala ni.

4. O Tondi Sipodahon Tangiang na sintong
Ho do na tinangihon Ni Ama i tongtong.
Ajari ma au on Mandok pangidoanku
Sian sandok rohangku Tangihon hatangkon.

5. Silehon las ni roha Palas ma rohangki
Pahehe au paboa Au niapulanMi
Jotjot ditopot Ho Angka na marsitaonon
Silehon hasonangan Tu na tungki do Ho.

6. Usehon tu rohangku Holong ni rohaMi
Padenggan ma hatangku Tu dongan sasude
Asi rohaM padao Ma bada, halatean
Patimbul hadamean Na roa i palao.

7. Baen gok haporseaon Ma rohanami be;
PanumpakMi gandahon Tu artanami pe.
Pabali tondi i Na olo manundati
Na olo mangarsahi RohaM na denggan i.

8. Pagirgir rohanami Mangalo dosa i
Tambai ma gogonami Di pangunjunan i.
Dongani hami on Mangalo musunami
Sai unang olo hami Saor tu portibi on

9. Baen pangalahonami Hombar tu rohanami;
Dung i di ajalnami Di hamatean i
Padao jorbutna i Palas ma rohanami
Tumopot jambarnami Di harajaonMi.

0 comments:

About this blog

Selamat Datang di Sandlewoodlilakristen.
Lirik Lagu Rohani Kristen Terbaru, Lagu Rohani Daerah, Lagu Kidung Jemaat, Lagu Nyanyian Kidung Baru, Lagu Buku Ende, Lagu Rohani Indonesia dan Lagu Rohani Barat (Top and New Christian Song Lyrics)

Facebook Badge